Scho fasch 2 Mönet befinde ig mi itze uf äm Schiff. Di leschtä paar Wuche, si wie im Flug vergange. Z'Läbe uf äm Schiff isch sehr intensiv, vorauem o wüs äs cho u näs gah isch. Vieu bliebe nur für ä churzi Zyt hie u äs isch überau geng chli Programm.
Aber hie chli ä churze Überblick was ig bis itz aues ha dörfe erläbe u gseh.
Palmarium Reserve
Für näs Wucheend si mir für ei Nacht i näs Naturresort gah übernachte u hei dert dörfe Lemure gseh u äs Fischerdorf chönne gah bsueche.
D'Mönsche in Madagaskar si sehr härzlech u probiere z'bestä mit ihrnä Müglechkeite u Ressourcä.
Plantagä Besuch
Äs angersmau hei mir chönne ä Fruchtplantage gah bsueche, wo 20 verschiedeni Fruchtsorte het u sowie Kaffibohne Zimtboum u no vieles meh. Drunger si ou Frücht gsi, wo ig no nie gseh ha u vorhär gar nid kennt ha wie Soursop
(Wo vorauem aus Saft sehr fein isch.)
1 August
U natürlech o hie hei mir dr 1.August gfiret mit Fondue u Raclet. Schwiz isch feiechli verträte, aber meh vor französische Site. U somit hei mir üs haut uf Änglisch ungerhaute. 🤣
Am Morge hei mir de dr Schwizerpsaum gläse u ds het mi de grad chli i Heimatsehnsucht versetzt. 🥹
Bazar Kely
Aber o dr Bsuech uf äm Märit isch äs Highlight für mi, o we äs zimlech chaotisch isch. U mä nid gnau weiss, wo was isch.
Was mir bi üsem erste Bsuech vorauem gmerkt hi, wo mir uf dr Suechi nach äme Stoff für üsi Fankyfriday-Uniform si gsi. Mi hei mehrei Lüt gfragt u jede het geng chli öbis angers gseit, bis mir gmerkt hei das mir im Kreis loufe. Aber de si mir doch no uf ä hiufsbereiti Schniederin gstosse, wo ihre Sohn mit üs gschickt het wo üs de dert häre bracht het. Ds Verhandle isch nid so mis, aber dank üsere Unentschlosseheit hi mir de äm Schluss irgendwie nume d'Häufti müesse zahlä.
Was mir du aber ersch gmerkt hei, wo mir z'nächst mau zum Märit si gange u si für z'gliche z'dopplete verlangt hei.
Bi dankbar für aues, wo ig hie darf erläbe u ig ha mängisch geng no chli z'Gfühl dsi am trümere bi, wieui aui di Idrück mängisch fasch nid cha verarbeite.
Mark 9:24
Immediately the boy’s father exclaimed,
“I do believe; help me overcome my unbelief!”
Gottesdienst:
Ig ha o dörfe lokali Gottesdienst bsueche. Si mega härzlech empfange worde u o we d'Sprachbarriere da isch gsi. Si si uf eime zue cho u probiert mit üs z'kommuniziere. Augemein si Madagasi sehr gastfründlech u mi fühlet säch wou mit ihne ungerwägs si.