Ig ha Glägeheit becho ä Bäckerei gah z'bsueche in Madagaskar, wo vo mä Schwizer isch gründet worde u tuet Lüt usbiude. Sini Devise isch, das müglechscht aus vo Lüt us Madagaskar härgsteut wird u o d'Rohrstoffe vo hie si.
Die Schuäu geit 1 Jahr lang u isch gratis für Schüeler. Nach däm Jahr hei si ihres Exame u bechömi äs Zertifikat. Mit däm Zertifikat hei si sehr grossi Chance ä Arbeitssteu z'becho.
Äs isch di einzigi Beckerei-Schuäu hie in Madagaskar.
Aber är führt nid nur ä Bäckerei, sondern het o äs Hiufswärch wo är ä art Powerrigu härsteut u die när gratis verteilt.
Di wärde us 99% us lokali Rohstoffe härgsteut u das 1% wo nid vo Madagaskar isch, isch äs Vitaminpulver us dr Schwiz.
Wär meh über si wott erfahre, hie wär no si Website.
U itz no chli was zurzit uf äm Schiff louft. Aktuell befinde säch wieder 370 Persone uf äm Schiff u äs dörfi 4 Operationsrüm in Betrieb si. Was mega schön isch, nach auem. Zurzit si si vourauem äm Auge operiere. U sehr viu Mösche dörfe dür di Operation wieder gseh. Äs isch mega schön dörfe di Patiente wieder gseh u wie si nöi Hoffnig dörfe ha.
Ig probiere geng chli nöi Rezäpt us, je nach däm was mir grad für Rohstoffe hei. U i griffe o uf d'Rezäpt vor Beckerei Schänk zrügg, wo ig sehr dankbar bi, dass ig d Erloubnis drfür ha über cho. Wie zum Bispiu z'Höier Brot oder z'Nussgipfu Rezäpt.
De chömi de scho chli Heimatgfühu uf.
