Guet ei Wuche bi ig a Bord vom Mercy Ships u äs isch geng no chli äs dricho i mini Ufgabe u z'Läbe an Bord. Zum Glück ha ig zwöi Wuche Ischaffigzyt, so das ig nid grad ganz alleini aues muess mache.
Z'Chuchi Team isch rächt gross u isch vouer Fröid drhinger trotz dä 12 Stunde Schichte wo si hei. Ihr Beckerei isch äs de chli gmüetlecher. Da mini Schicht ersch am 5 am Morge ahfaht u ig oft scho am 2i am Nami darf fertig si.
Mi dörfe itz nöi o zu de Patientä gha u mit dä Ching spiele u zäme si. Sie si trotz ihrnä usgmergletä Körper zfriede. Sie si dankbar für Zyt wott mit ihne verbringsch u verzeue gärn ihri Gschicht. Si dörfe wieder Hoffnig ha, lang sie si Usgstosseni gsi u nüme würklech akzeptiert worde vor Gseuschaft. Äs si zum Teil chlini Operatione wo si hinger sich hei, ömu für europäischi Verhäutnis - sigs Lippe- bzw. Gaumespalte oder ou dr grau Star, e grosse Teil het ds aber scho ihres ganze Läbe müesse mitsäch trage.
Zur Hiuf hei mir Madagasä wo üs häufe übersetze aber o si trage ä Gschicht uf säch, u hei Tröim u Zieu, wo si gärn würde ereiche. Dank äm Mercy Ship chöi si säch witerbiude u erhoffe chönne gah studiere.