Tagesablouf:
Am 4.30 starte ig meischtens u produziere dr erst Brotteig.
Während dä äm Ruhe isch gah ig de drwilie z'Morge gah mache.
Das besteit meistens us Rührei, Eier, Porridge u nähr jedä Tag öbis spezieus wie Späck, Hashbrowns, Pancakes, Spieguei oder Mexikanisches Rührei.
Nachdäm isch de aube dr Brotteig nache für z'ufarbeite.
Dr wile wo dä am Habe isch, bereite ig entweder z'Morge für ä nächste Tag vor. Oder produziere äs Dessert für z'Nachtässe oder für Pouse.
Für 300 bis 500 Persone isch das mängisch no ä Herusäforderig.
Je nachdäm mues ig de no Güetzi mache für Nöiakommer oder für verschiedeni Schuelige.
Z'Wärche uf äm Schiff bringt so di eint oder angeri Herusäforderig mit säch. Dr Wäuegang wo mängisch chüm spürbar isch u hankarum isch meh am torkle wärend äm Brot ufschafä. Oder o dür Vibration vom Schiffchesu cha z'eint oder angere umgheie. Wie zum Bispiu ä Oliväöl - Fläsche wo säch plötzläch säubständig macht.
Beckerei isch guet i grichtet, dr Ofe isch gloub ine vo dä Nöischte. U het somit sehr viu Istelige wo ig zersch chli mues drus cho. Zum Bispiu ha ig wöue Granola röste aber äs isch so vieu Luft ihm Ofe gsi das d'Haferflöckli im ganze Ofe dasume gfloge si🫣
Aber da jede säch denä Herusäforderige muess steue, cha mäs mit Humor näh.
Vor Qualität vo mine Produkt hapärets no chly Ömu Kokosmakröndli si nid grad dr Hit gsi🙈
