Vaniale, u ihre Eheman Tantely u ihrer Ching Nokaliana, Miantso, and Mahaliana
Uf äm Mercyship wärchi vieu Iheimischi u ohni die wärs nid müglech au di Arbeit z'meischtere. Während ig ihr Bachstube wärche, darf ig si kennälere. Drunger isch Vaniala u ihri Familie. Sie isch ä wundervoui Frou u wärchet nid nüme für z'Mercy Ship sondern het ono äs eigets Chinderhiufswärch in Antananarivo.
Vaniala u Tantely hi scho mau für z'Mercy Ship gwärchet vor 10 Jahr, wo ds Schiff z'letscht mau z'Madagaskar isch gsi. Nachdäm isch Vaniala gah Soziauhiuf studiere. Si het sich scho immer gwünscht Mönsche z'häufe. Nach äm Studium het si u ihre Ehemaa äs Ministry gstarted. Zäme mit drü anderne Lüt tüe si zu Ching luege, wo nid zur Schuäu chü oder wo daheim Gwäut erläbe oder aus Waise müesse ufwachse.
Si tüe z'Ässe zur Verfügig steue, momentan zwöi mau ir Wuche - da äs finanzieu nid angersch geit. Sie tüe o Ching u Eutere unterrichte. Zum Bispieu we d'Eutere ke Inahmequeue hei, müesse o irer Ching gah wärche für d'Familie z'ernähre. Mau gäbe si Kürse über Sojaapflanzig u d'Verwändig, da äs ä gueti Nahrigsqueue isch u ds d Mönsche o chöi verchoufe. Somit chöi si d Chinderarbeit minimiere.
Momentan bruche si Schuäumateriau für das si Schuäu chü gäh. Ir Zuekunft wünsche si sech das si z'Ässe jede Tag chöi zur Verfügig steue für di Ching.
Für dä Monet u August si si ihr dringender Not für finanzieui Ungerstützig. Ä monatlichi Spänd vo 20.- Fr. würd ä grosse Ungerscheid mache u würd länge für eim Chind ä Monet lang z'Ässe z'gäh.
Was si aber momentan ou dringend bruche si Schuäusache wie:
Für Primauschäu 45 Chind:
- 50 sitigs Notizbuech: 7 Päck
- 100 sitigs Notizbuech: 14 Päck
- 200 sitigs Notizbuech: 5 Päck
- Schiferplate: 45 Stk.
- Schwam: 45 Stk.
- 3 farbigi Stifte: 135 Stk.
- Bleistift: 45 Stk.
- Etuis: 45 Stk.
- Lineau: 45 Stk.
Schäugebühr 5.- Fr pro Chind
Totau : 12.- Fr. pro Chind
Sekundarschuäu: 25 Chind
- 50 sitigs Notizbuech: 4 päck
- 100 sitigs Notizbuech: 16 päck
- 200 sitigs Notizbuech: 7 päck
- 3 farbigi Stifte: 75 Stk.
- Bleistift: 25 Stk.
- Etuis: 25 Stk.
- Lineau: 25 Stk.
Schäugebühr 9.- Fr. pro Chind
Totau 18.- Fr. pro Chind
Vo links nach rächts: Vaniala, the oldest daughter Nokaliana, Cousin Njarasoa, and Grandpa Gabriel.
I ha Müglechkeit becho mit ihne dr Namitag z verbringe mit äme feine madagsische z'Nachtässe. Mi het richtig ihri Higab, wöue müglechst vieunä Ching z'häufe gspürt.
Äs würd mi fröie we si ihri Arbeit dörfe fortsetze. We öber Inträsse het si z'ungerstütze würdi no ihre Bank Account ahgeh.
Tia Hina Children Ministry
Contact: +216343964852
Facebook page: Tia Hina Children Ministry
Email: tiahinaministry@gmail.com
Bankaccount:
TIA HINA CHILDREN MINISTRY LOT II A 2 D BIS C
NANISANA Antananarivo ville
101 MADAGASCAR
IBAN: MG 46 0000 9050 7021 7408 9000 187
Swift: AFRIMGMGXXX
We aber öber lieber nid uf dä Bankaccount izahle wett, chöit dir äs mir per Twint zuesände u ig würd äs ihne nähr persönlech lah zuecho.