Itz isch scho ändi Novämber, di Zit geit so schnäu verbi. Ihr letschte Zit het äs paar Veränderige gäh. Nöi, wärche ig mit äre Kanadierin vo Quebec zäme. Äs isch spannend ihre Rezept kennä z'lehre u grad für z'Morge z'mache, cha ig vieu vo ihre lehre da si lang ihre Chuchi gschaffet het. Äs macht mega Fröid mit ihre zäme z'wärche.
Aber äs stöh no angeri Veränderige vor dr Tür, baud wärde mir Madagaskar verlah u nach Durban sägle. I dere Wuche hei mir di letschtä Operatione uf äm Schiff u när geits ads zäme z'packe. Nach au dene Verabschiedige wird äs Zit mi säuber z'Verabschiede vo de Lüt hie in Madagaskar. Mi kennt säch zwar nur äs paar Monet, aber mit au denä Schwierigkeite wo mä düre macht lehrt mä säch mega guet kennä u äs isch schwierig Tschüsss z'säge.
Aber i ha näch gar nid so verzeut, mit was für Schwierigkeite das mir mängisch ztüe hei. Zum Bispieu gad letscht Mändig isch Maschine für ä Wasserdruck usgfaue u bi 360 Persone isch das schono grad äs g'hörigs Problem. Ömu we jedä gärn zum z'Morge äs Kaffi het oder öbe ono äs Gschweutnigs. Aber dür das Problem isch de ono dr Ofe usgfaue, da es Wasser brucht für ä Steamer u o für z'dämpfä. Zu auem z'ueche hets de no dr Mixer chrüselet u wo de z'Wasser wiedergange isch, hei mir de plötzlech meh Wasser ihr Beckerei gha aus mir lieb wär gsi.
Aber was wott mä säch ufrege, am Ändi vom Tag het jede sis Kaffi gha u z'Brot isch ömu o ässbar gsi, o wes nid grad ä Schönheitswettbewärb hät gwunne.
Da mir scho baud Sägle müesse mir au di Produkt ufbruche wo baud abloufe. Da mir mit denä nid nach Südafrika dörfe. Drum gits haut itz Cashew-Nussgipfu anstatt Mandustange. Aber z'Prinzip isch z'gliche.
Letscht Wuche hei mir de no z'Abschlussässe für Daycrew gha u si hei ihres Zertifikat überreicht becho.
Wiehnachtsspändeaufruf
Villecht errinert dir näch no at Vaniala u ihrem Chinder Ministry. Scho gli isch Wiehnachte u we dir äs uf äm Härz heit öbis für si z'spände. Si brüchte ungerstützig für z'komende Quartau u oft gäbi si de Chind o öbis chlises z'Wiehnachte sigs äs z.B äs chlises Spiezüg oder öbis Süesse.
Hie si Bank verbindige.
Bank:
Tia Hina Children Ministry
IBAN: MG46 0000 9050 7021 7408 9000 187
oder
Western Union or Tap Tap Send:
Use the following number: +261343964852
We dir äs aber lieber eifacher weit chöit dirs mir per
Twint schicke u ig wirde äs ihre überreiche.
