Beatricerecap

It'z si di 6 Mönet scho verbi. Dr letscht Monät isch zimlech intensiv gsi. Mi si vo Madagaskar furt gsäglet, 5 Tag si mir ungerwägs gsi. Z'Sägle isch zimlech äs Abentür gsi, aues isch zu äre Herusforderig worde ömu vorauem o grad z'bache. Aber nid nume das, o z'Stägä loufe u z'Nachtässe het zu dr eint oder andere lustige Situation gführt. 

Itz isch scho ändi Novämber, di Zit geit so schnäu verbi. Ihr letschte Zit het äs paar Veränderige gäh. Nöi, wärche ig mit äre Kanadierin vo Quebec zäme. Äs isch spannend ihre Rezept kennä z'lehre u grad für z'Morge z'mache, cha ig vieu vo ihre lehre da si lang ihre Chuchi gschaffet het. Äs macht mega Fröid mit ihre zäme z'wärche. 

Ha mi scho lenger nüme gmäudet u ha däicht i gibe mau wieder äs Update, wie äs mir so geit u was ig hie darf erläbe. 

Ig ha Glägeheit becho ä Bäckerei gah z'bsueche in Madagaskar, wo vo mä Schwizer isch gründet worde u tuet Lüt usbiude. Sini Devise isch, das müglechscht aus vo Lüt us Madagaskar härgsteut wird u o d'Rohrstoffe vo hie si.

Ja, dr letscht Monät isch äs uf und ab gsi. Momentan befinde säch uf äm Mercy Ship kener Patiente. Das liegt vorauem daran, das Regierig nid het wöue z'Protokou ungerschribe oder besser gseit bis zum letschte Momänt gwartet het. Lang isch nid klar gsi, ob dr ganz Fäudservice muess abbroche wärde. Aber zum Glück het sech d'Regierig doch no drzue überwunde z'Protokou z'ungerschribe. Di Verzögerig bedütet, aber o das sit drü Wuche kener Operatione statt gfunde hei. Am 30. September wird aber z'Spitau wieder uftah u hoffendlech bis im Dezember normau witer loufe. 

Scho fasch 2 Mönet befinde ig mi itze uf äm Schiff. Di leschtä paar Wuche, si wie im Flug vergange. Z'Läbe uf äm Schiff isch sehr intensiv, vorauem o wüs äs cho u näs gah isch. Vieu bliebe nur für ä churzi Zyt hie u äs isch überau geng chli Programm. 

Sit äs paar Wuche si mir Zweit ir Beckerei. 

Vaniale, u ihre Eheman Tantely u ihrer Ching Nokaliana, Miantso, and Mahaliana

Tagesablouf:

Guet ei Wuche bi ig a Bord vom Mercy Ships u äs isch geng no chli äs dricho i mini Ufgabe u z'Läbe an Bord. Zum Glück ha ig zwöi Wuche Ischaffigzyt, so das ig nid grad ganz alleini aues muess mache. 

Di Reis zum Schiff isch äs chlises Abentür gsi, äs het scho bim Flughafe Züri agfange. Ds Check-in ohni Visum u Rückflug sig eigentlech nid müglech hei si mir am Schauter gseit. Aber nach mehrmaligem düreläse vo dä Dokumänt wo Mercy Ships mir zuegsändet het, hei si mi de düreglah. 

Packen